बा

Poet

Pratikshya Katwal

BBS 4th Year

  बा ! 

भारी पिडालाई लुकाएर,

परिवारलाई मुस्कान दिन सपना सुकाएर

कल्पना गर्न कसरी सक्छौँ, भोक पटुकिले लुकाउछौँ ।

म नअघाउदा तिमी पानीले अघाए भन्छौँ ।।

भाग्छ डर, आत्तिदैन मन, 

जब मेरो गोजी रित्तिदा तिम्रो साथ हुन्छ ।

सपना पूरा गर्न सक्छु भन्ने आट तब हुन्छ,

जब मेरो सकिएको कलममा तिम्रो मसि भर्ने हात हुन्छ ।

बा ! तिम्रो पिडा म महशुस गर्नेछु ।

तिम्रो चस्मा बनेर संसारलाई हेर्नेछु ।।

मेरो लागि देखिएको सपना पूरा गरेर आउनेछु ।

त्यो दिन मात्र तिम्रो स्यावासीको माया पाउनेछु ।

पर्खन बा ! केही वर्ष समय सबैको आउँछ ।

तिमिलाई पनि तिम्रो भागको खुसी मिल्छ 

“अवश्य”