युवाको आवाज

विद्यार्थीको टाउको ताकेर चलाएको गोली,

के खुसी पायौ खेलेर रगतको होली ?

भोलिको भविष्य बीच सडकमा ढाली

तिम्रो ‘बहादुरी’ देखेर कसले बजाउछ ताली ?

तिमी कुर्सी जोगाउँछौ देखाइ बन्दुक र लाठी

देश भन्दा प्रमुख भएछ तिम्रो राजनितिक पार्टि

कति लुट्छौ कति खान्छौ जनतालाइ ढाटि

अब चुप बस्दैनन, नया पुस्ता छ धेरै आटि ।

युवाले अब सिउनेछन एकताको धागो

गोलीले थाम्न सक्दैन विचारको आगो ।

हो, हामी वाइ-फाइमा हुर्कियौं, तर आवश्यकता जरुर चिन्छौ

अधिकार हनन गर्यौ भने खोसेर भए नि लिन्छौ ।

भ्रस्टचार माथि उभ्भिएको कुर्सि कमजोर भई थाक्नेछ

त्यहि कुर्सिमा बस्दा एकदिन तिम्रो हात पाउ काप्नेछ ।