दुखमय धनाढ्‌य जीवन

Poet
Sima Pathak
BBS 3rd Year 

धनाढ्‌य छु भन्दैमा, मान्छे किन्ने गर्या छैन 

सहि कर्मले चल्छु म त, पैसाले पद  किन्या हैन 

अपमान गर्छन अरुले, स्वाभिमान म छाड्ने छैन,

गर्व गर्न पाउछु तर घमन्डी म बन्ने छैन  । 

धनाढ्‌य म धनले बन्न, देवि देवता पुज्या हैन 

खान्दानि हूँ, आधुनिक छु भन्दैमा, संस्कार मैले भुल्या छैन 

खोट हुन सक्छन् म मा, 

खोट सहित जन्म लिन मैले पनि त खोज्या थिइन ।

धनाढ्‌य त धनले रहिछ, सम्बन्धहरुले त गरिब नै छु 

असल साथी र सम्बन्धको अझै पनि खोजिमै छु।

तर विडम्वना, संङकोचले मात्र जन्म लिन्छ 

कतै सम्बन्ध पनि धनले गर्दा मात्र त हैन ?  

यस्तै रहिछ धनाढ्य जीवन अरुले देख्दा सुनैमा सुगन्द ,

आफुलाई चाहिँ खै किन हो,त्यहिँ सुन काडेतार बनि रोपिरहन्छ । ।